وحده تانيه
أنا مش هيه
أنا وحده تانيه
غير لي خانت
غير لي باعت
غير لي كانت منها الأذيه
أنا وحده تانيه
بتحب بقلب
بتخاف عالحب
بترضى بنصيبها
لو كان حبيبها
عايش بذنب
أنا وحده تانيه
فكرت فيها
واشتقت ليها
وحلمت معاها أحلام وردية
أنا لي حبت
أنا لي عشقت
و عرفت معاها العيشة الهنية
وحدة عايزة تكون رفيقتك
مقدرة غلاوتك وقيمتك
مش بس حبيبتك
حكون صديقتك
أصون هواك في حضورك وغيبتك
تشهد عليا الأيام الجايه
أنا مش هيه
أنا وحده تانيه
تنسى معاها معنى الأسيه
يلا بقى
تعالى بقى
ننسى لي فات ونعيش شويه
ღ باسمه ღ
4 comments:
الله عليكى يا بسومة
الله ومن كل قلبى
صدقينى ومن غير مجاملة ومن غير بكش ومن غير اي حاجه خالص
انتى تفوقتى على نفسك المرادي
انا كنت فاكرك ان بوستك الاخير مش هتعرفى تكتبى بعديه حاجه فى نفس قوته
بس انتى خيبتى ظنى وعملتى حاجه مالهاش حل
الله عليكى والله
انا تمتعت فعلا بقراءة كل حرف وكل كلمة
كلام ساحر ومميز
بس المرادي السر انك عندك قصة وبنيتى عليها موضوع وليه حبكة
بصراحة القصيدة تحفه
احنا متشوقين للقادم
مع باسمة ... الكلام له طعم تانى
تحياتى يا غالية
ايه الاحساس ده
ايه سلاسه الاسلوب ده؟
انتى بجد تحفه يابنتى
بس انا عاوزه اعرف
انتى مختفيه ليه بقالك يومين؟؟؟
لو كانت المذاكره هاقول ربنالا معاكى
غير كده هابتدى اقلق بجد
طمنينى عليكى يا قمر
افتكر اني دي لسه بداياتك صح
ومستواها كويس بس حاولي تتخلصي من القافيه الطويله دي
غيري ف القوافي وقصري ف الاغنيه
هتبقي احسن وياريت تقبلي نصيحتي دي
تسلمولي ياحبايبي
اسامة انت لي كلامك جميل اوي
وينكي انا معاكي على طول ياقمر
ان شاءلله بفضل تشجيعكم ابقى احسن
لأن فعلا دي البدايات
وبرحب بأي نقد
وشكرا ليك ياهيثم على الزيارة الجميلة واتمنى ماتكونش الاخيرة
تحياتي ومحبتي
Post a Comment